Beranda KEBUDAYAAN Asal Usul Nama “KUPANG” COW ? Paaaang…..!, QOE PUNK?

Asal Usul Nama “KUPANG” COW ? Paaaang…..!, QOE PUNK?

0

Ente2 dong su parnah dengár ini carita ko bolom?,


kenapa Kupang Kota Karang, tu orang sebut bilang KUPANG? 


ada yang tau dia pung kisah ko sonde?




Beta tau dia pung carita bagini ….

sumber : pekerjaan.co



Waktu orang Inggris pas datang di pulau Timor, 
dulu waktu masih peráng, (itu mangkali leluhur dong masih di atas pohon..heheheh)


Itu orang Inggris dorang pake kapal laut a?


Nah pas itu  orang-orang bule dorang pung turun datang, 
oi ada sapi pung bajejer sat babae di padang padang rumput . 


Makdadoto! Makamiung, tado’i tatikam, taceke! ahahahaha


Satu kalasi kapal liat pi bagini, sapi dong bajejer-jejer, ko su sama ke dong mau baris-berbaris…


 It sapi dong batasese sampe di pagar-pagar é. 
baitua Kalasi tu tariak-tariak pe’e dia pu gargantang bilang bagini :


 “Cow! Cow! cow….!”. 

Baca Juga : Asal-usul Nama Nunhila, Sebuah Legenda



Pas ini baitua ada pe’e gargantang, ju dia pung kawan kalasi yang satu ame sanapan ko tembak. Na itu senapan pung babunyi : ….“Pang! Pang…! …….Pang…!” 



Sampe kitong pung orang kampung yang punya sapi dong lari batahambur ilang samua. 

dong bangun lari kastenga itu sapi dong!. 


Nah,tau-tau, baitua pemilik sapi dorang da lari pi cambunyi di huk lobang batu.
It Orang bule dong ju balom tau nama ini kapung pung nama. 


Ju Itu Bule dong mulai sebut iko dorang pung mau


: “Cow-pang!”. Sapi, sapi, … pang! Pang! 


Sanapan pung bunyi. Hahaha… 


andia sampe ini hari……: Cow-pang su jadi 


Kupang sa! 


ma ada yang tulis bilang QOE PUNK…..lu ada dia pu kisah na carita su!




*** Dari Berbagai Sumber

KOMENTAR ANDA

0 komentar

TINGGALKAN KOMENTAR

Silakan masukkan komentar anda!
Silakan masukkan nama Anda di sini